-
Ҳангоми муроҷиат барои барасмиятдарории патент (аз нав барасмиятдарорӣ) гузаштани санҷиш аз COVID-19 зарурат дорад?
Не. Ҳангоми муроҷиат барои барасмиятдарории патент (аз нав барасмиятдарорӣ) гузаштани санҷиш аз COVID-19 зарурат надорад.
-
Дар соли 2023 барои тамдиди амали патент ҳармоҳа чӣ қадар маблағ пардохт кардан лозим?
Аз 1 январи соли 2023 пардохти моҳонаи АДШВ патент барои кор дар ҳудуди шаҳри Москва ва вилояти Москва 6600 рублро ташкил медиҳад.
-
Ҳангоми гум шудани патент чӣ бояд кард?
Оҷилан ба Маркази муҳоҷиратӣ ба минтақаи “П” бо мақсади гирифтани дубликати патент муроҷиат кардан лозим.
-
Аз сабаби дар базаи ВКД набудани қайди муҳоҷиратӣ кормандони ВКД патентро намедиҳанд. Чӣ бояд кард?
Ба шӯъбаи ноҳиявии Сарраёсати ВКД Россия оид ба масъалаҳои муҳоҷират барои дақиқ кардани қайди муҳоҷиратӣ муроҷиат намудан зарур аст. Ҳеҷ гоҳ барои анҷоми ин кор ба миёнаравҳо муроҷиат накунед, зеро дар аксар маврид маҳз дар ҳамин ҳолатҳо қайди муҳоҷиратии шумо метавонад бо фиреби қаллобон дар системаи иттилоотии ВКД набошад
-
Пардохти АДШВ патенти меҳнатиро чӣ гуна бояд анҷом дод? Якбора солона ё ҳармоҳа?
Шаҳрванди хориҷӣ ҳуқуқ дорад амали патентро бо ихтиёри худ тамдид кунад: андози АДШВ патентро якбора ба чанд моҳ (то12 моҳ) ё ҳар моҳ ба маблағи 5900 рубл пардохт кардан мумкин аст.
-
Дар сурати гум (корношоям) кардани (регистратсия) қайди муҳоҷиратӣ чӣ бояд кард?
Дар сурати гум ё корношоям кардани қайди муҳоҷиратӣ (регистратсия) шаҳрванди хориҷӣ бояд ба мақомоти ҳудудии ВКД Россия оид ба масъалаҳои муҳоҷирати шаҳри Москва, ки қайди муҳоҷиратии худро барасмият даровардааст, муроҷиат намояд. Бо худ бояд ҳуҷҷати муайянкунандаи шахсияти шаҳрванди хориҷӣ (шиноснома) дошта бошад.
-
Дар куҷо ва тибқи кадом реҷа мутахассисони баландихтисосро қабул мекунанд? (ВКС)
Зершӯъбаи кор бо мутахассисони баландихтисоси Сарраёсати ВКД Россия дар шаҳри Москва дар бинои МДБ "Маркази муҳоҷиратӣ" бо суроғаи шаҳри Москва, шаҳраки Вороновское, шоҳроҳи Варшавское, 64-ум км, ҳавлидории1, иншооти 47 ҷойгир шудааст. Даромадгоҳи алоҳида ба ВКС. Реҷаи кории зершӯъбаи мазкур:
Душанбе – панҷшанбе аз с 9.00 то 17.00;
Ҷумъа – аз 9.00 то 16.00;
Шанбе, якшанбе ва рӯзҳои идона – қабул нест. Маълумоти пурра оид ба мутахассисони баландихтисос бо телефони +7(495)587-07-87.
